وزیر خارجہ شاہ محمود قریشی نال اقوام متحدہ جنرل اسمبلی دے صدر ولکن بوز کر دی ملاقات

اسلام آباد( بھلیکھا ٹی وی ) وزیر خارجہ شاہ محمود قریشی نال اقوام متحدہ جنرل اسمبلی دے نو منتخب صدر ولکن بوزکر دی ملاقات ہوئی جس وچ افغان امن عمل سمیت خطے وچ جاری امن دی کوششں بارے تے غیر قانونی قبضہ کشمیر دی صورت تحال اُتے تبادلہ خیال کیتا گیا ۔وزیر خارجہ نے وولکن بوز کر نوں اقوام متحدہ جنرل اسمبلی دا صدر منتخب ہوون اُتے مبارکباد پیش کیتی ، وزیر خارجہ شاہ محمود قریشی نے آکھیا کہ اقوام متحدہ جنرل اسمبلی اجلاس ایس لئی بوہت اہمیت رکھدا اے کیونکہ دُنیا اک طرف کورونا عالمی وبائی چیلنج نال نمٹن لئی کوشش کر رہی اے ۔دُجے پاسے اسی عالمی معاشی بحران نوںپنپتا ہوا ویکھ رہے آں ، کورونا عالمی وبائی چیلنج نال نمٹن لئی عالمی سطح اُتے جامع تے مشترکہ کوششاں بروئے کار لیانیاں ہوون گیاں ، وزیر خارجہ شاہ محمود قریشی نے جنرل اسمبلی دے صدر نوں مقبوضہ کشمیر دی صورت حال توں آگاہ کیتاتے توقع کیتی کہ جنرل اسمبلی اقوام متحدہ دی قرارداداں دی روشنی وچ مسئلہ کشمیر حل کرن لئی چنگے اقدامات کرے گی ۔