سپریم کورٹ : زمین اُتے قبضہ ختم کروان دے معاملے اُتے سول ایوی ایشن اتھارٹی توں رپورٹ منگ لئی

کراچی ( بھلیکھا ٹی وی ) کلفٹن وچ سول ایوی ایشن اتھارٹی دی زمین توں قبضہ ختم کروان دے معاملے اُتے عدالت نے سول ایوی ایشن اتھارٹی توں رپورٹ منگ لئی ۔سپریم کورٹ کراچی رجسٹری وچ کلفٹن وچ سول ایشن اتھارٹی دی زمین توں قبضہ ختم کرن دے بارے کیس دی سماعت ہوئی ، سول ایوی ایشن اتھارٹی نے آکھیا کہ کم تیزی نال جاری اے کورونا دی وجہ نال بوہت لیٹ ہو گیا سی ، عدالتی حکم دے مطابق زمین اُتے پلانٹیشن کر رہیے آں ۔چیف جسٹس گلزار احمد نے ریمارکس وچ آکھیا کہ ایئر پورٹ نوں جتنا کمرشل کرنا سی کر لیا ، ہن ہور کمرشل کم نہیں کرنے ، عدالت نے سول ایوی ایشن اتھارٹی نال آئندہ سماعت اُتے رپورٹ طلب کر لئی ۔