کورونا دم توڑن لگا: 24گھنٹے دے دوران15مریض اللہ نوں پیارے ہو گئے

لہور( بھلیکھا ٹی وی) کورونا دم توڑن لگ پیا ،موتاں گھٹن لگ گیاں ، پچھلے 24گھنٹے دے دوران 15مریض اللہ نوں پیارے ہو گئے ، موتاںدی تعداد6ہزار97ہو گئی ، متاثرہ مریضاں دی تعداد2لکھ 84ہزار660تک جا پہنچی جد کہ2لکھ 60ہزار 764مریض صحت یاب ہو ئے ۔این سی او سی دی تازہ رپورٹ دے مطابق 24گھنٹے دے دوران ملک وچ15موتاں ہوئیاں ، جاں بحق ہوون والیاں دی تعداد6ہزار97ہو گئی ، متاثرہ مریضاں دی تعداد2لکھ 84ہزار660تک جا پہنچی ، این سی او سی دے مطابق کورونا نال متاثر 801افراد دی حالت تشویشناک اے جد کہ2لکھ60ہزار 764مریض صحت یاب ہو چکے نیں ۔این سی او سی دے مطابق پنجاب وچ 94ہزار477، سندھ وچ1لکھ 23ہزار849،خیبر پختونخوا34ہزار662، بلو چستان وچ11ہزار906، اسلام آباد وچ15ہزار261تے گلگت وچ2ہزار334مریض ساہمنے آئے ،آزاد کشمیر وچ کورونا دے مریضاں دی تعداد2 ہزار141ہو گئی این سی او سی دے مطابق پچھلے 24گھنٹے دے دوران 20ہزار495افراد جد کہ ملک وچ21لکھ 47ہزار584کورونا دے ٹیسٹ کیتے جا چکے نیں ۔