سندھ حکومت نے وی لاک ڈائون دی پابندی ختم کر دتی

کراچی ( بھلیکھا ٹی وی ) سندھ حکومت نے صوبے وچ لاک ڈائون دی پابندی ختم کر دتی تے نو ٹیفکیشن جاری کر دتا ، لیکن شادی ہالز تے سکول 15ستمبر تک بندرہن گے ۔سندھ کورونا ٹاسک فورس دے فیصلے دے مطابق کاروباراں نے نویں ٹائم ٹیبل دا اعلان کر دتا گیا ، سندھ وچ ہفتے دے چھ دن کاروبار کھلن گے ۔اعلامیہ وچ آکھیا گیا کہ کاروبار صبح 6وجے توںرات8وجے تک کھلن گے لیکن ہفتے والے دن رات9وجے تک کھلن گے ۔ایس توں علاوہ سنیما گھر ، تھیٹرز ، ہوٹلز اُُتے پابندی وی ختم کر دیتی گئی اے لیکن شادی ہالز تے سکول15ستمبر تک بند رہن گے ، دُجے پاسے کھیڈاں دے میدان وی کھول دتے گئے ۔ایس او پیز دے تحت کھیڈاں شروع کیتیاں جاون گیاں ، سیر گاہواں وی کھول دتیاں گیاں ، بیوٹی پارلر ، جم اوتوں وی پابندیاں ختم کر دتیاں گیاں ۔