عوام لئی چنگی خبر، اوگرا دی پٹرولیم قیمتاں وچ 2روپے 90پیسے لٹر تک کمی دی سفارش
اسلام آباد: عوام لئی چنگی خبر ایہ اے کہ اوگرا نے پٹرولیم مصنوعات دیاں قیمتاں وچ 2روپے 90پیسے فی لٹر تک کمی دی سفارش کر دتی۔ وزیراعظم دی منظوری دے بعد وزارت خزانہ قیمتاں وچ کمی دا حتمی اعلان کرے گی۔
اوگرا نے پٹرولیم مصنوعات دیاں قیمتاں وچ کمی دی سمری وزارت خزانہ نوں گھل دتی اے جہدے وچ پٹرول دی قیمت وچ 25پیسے فی لٹر کمی دی سفارش کیتی گئی اے۔
ہائی سپیڈ ڈیزل دی قیمت وچ 2روپے 40پیسے جد کہ مٹی دے تیل دی قیمت وچ 83پیسے فی لٹر کمی تجویز کیتی گئی۔
سمری وچ لائٹ ڈیزل آئل دی قیمت وچ 2روپے 90پیسے کمی دی سفارش کیتی گئی اے۔
اوگرا دی سمری وچ ہائی سپیڈ ڈیزل تے 18روپے، پٹرول تے 15روپے، مٹی دے تیل تے 6تے لائٹ ڈیزل تے 3روپے فی لٹر لیوی وصول کرن دی سفارش کیتی گئی اے۔ پٹرولیم مصنوعات دیاں قیمتاں وچ کمی دا حتمی اعلان وزیراعظم دی منظوری دے بعد وزارت خزانہ کرے گی۔
