پنجاب وچ ساری کلاساں دے امتحانی نصاب نوں گھٹ کرن دا فیصلہ

لہور: محکمہ تعلیم پنجاب نے ساری کلاساں دے امتحانی نصاب 2021نوں گھٹ کرن دا فیصلہ کیتا اے۔ پنجاب ٹیکسٹ بک بورڈ نے سارے مضامین دا سلیبس تیار کر لیا اے جد کہ سارے مضامین دا سلیبس 40توں 50فیصد گھٹ کر دتا گیا اے۔ پنجاب ٹیکسٹ بک بورڈ دے مطابق ہر کورس دے مخصوص تے اہم مضامین سلیبس دا حصہ نیں جد کہ سلیبس 6مہینے ستمبر توں فروری تک دے دورانیے لئی تیار کیتا اے۔ دوجے پاسے پنجاب ٹیکسٹ بک بورڈ دے ڈائریکٹر کریکیولم تے ماہر اساتذہ سمارٹ سلیبس دا جائزہ لین گے جد کہ اٹھویں، نویں تے دسویں جماعت دے امتحانات وی ایسے سلیبس توں لئے جان گے۔