وزیر اعلیٰ عثمان بزدار دا بارشاں دے پیش نظر انتظامیہ نوں الرٹ رہن دا حکم

لہور ( بھلیکھا ٹی وی ) وزیر اعلیٰ پنجاب عثمان بزدار نے بارشاں دے پیش نظر انتطامیہ نوں الرٹ رہن دا حکم دے دتا ، اوہناں نے آکھیا کہ موسم دی صورتحال دی تسلسل دے نال مانیٹرنگ کیتی جائے
وزیر اعلیٰ عثمان بزدار نے اپنے بیان وچ آکھیا کہ شہراں وچوں نکاسی آب لئی وضع کردہ پلان اُتے عملی درآمد یقینی بنایا جائے ، ملتان، فیصل آباد، گوجرانوالہ، ساہیوال، راولپنڈی، ڈیرہ غازی خان تے بہاولپور ڈویژن وچ بارش دی صورت وچ پانی دا نکاس گھٹ توں گھٹ وقت وچ کیتا جائے ۔ ایس ضمن وچ ڈی واٹرپمپ تے ضروری مشینری مکمل فنکشنل ہونی چاہیدی اے ۔ عثمان بزدار نے آکھیا کہ بارشی پانی دی جلد نکاسی وچ کوتاہی نوں برداشت نہیں کراں گا ، شہریاں نوں بارش دے دوران مشکل دا ساہنما نہیں ہونا چاہیدا ، ٹریفک نوں جاری رکھن لئی خصوصی انتظامات کیتے جاون ۔واسا انتظامیہ تے ٹریفک پولیس دے حکام بارشاں دے دوران دفتراں وچ نہیں بلکہ باہر کم کردیاں نظر آنے چاہیدے نیں ۔