ملک وچ کورونا وائرس نال ہور531مریض ساہمنے آگئے

اسلام آباد ( ملک وچ کورونا وائرس نال ہور 531مریض ساہمنے آگئے تے 15موتاں دی تصدیق ہوئی ۔نیشنل کمانڈ اینڈ آپریشن سینٹر دے مطابق24گھنٹے دے دوران ملک وچ کورونا وائرس دے 531نویں مریض ساہمنے آ گئے ، جد کہ15متاثرین اللہ نوں پیارے ہو گئے ، جس توں بعدمریضاں دی تعداد 2لکھ85ہزار191تے ایکٹیو کیساں دی تعداد17ہزار833اے ۔این سی او سی دے مطابق ملک وچ صحتیاب ہوون والیاں دی تعداد 2لکھ 61ہزار ہو گئی ، سندھ وچ کورونا وائرس دے سب توں زیادہ مریضاں دی تعداد1لکھ24ہزار127، پنجاب وچ مریضاں دی تعداد94ہزار586، کے پی کے وچ کورونا دے مریضاں دی تعداد34755، بلوچستان وچ 11921، اسلام آباد وچ کورونا دے مریضاں دی تعداد 15281، آزاد کشمیر وچ2150,تے گلگت وچ2371ہو گئی ۔این سی او سی دے مطابق پچھلے24گھنٹے دے دوران18ہزار227ٹیسٹ کیتے گئے جد کہ ملک وچ ہن تک21لکھ65 ہزار811ٹیسٹ کیتے جا چکے نیں ، ملک وچ اسپتالاں اندر146مریض وینٹی لیٹر اُتے نیں ، اسپتالاں وچ کورونا وینٹی لیٹر ز دی تعداد1895اے ، ملک وچ735اسپتالاں وچ کورونا مریضاں لئی سہولیات نیں تے ایس وقت 1ہزار365مریض اسپتالاں وچ داخل نیں ۔