چڑیا گھر وچ جانوران دی ہلاکت : زرتاج گل نوں توہین عدالت دا نوٹس جاری

اسلام آباد ( بھلیکھا ٹی وی ) اسلام آباد دے چڑیا گھر وچ جانوراں دی ہلاکت کیس اُتے عدالت نے زرتاج گل نوں توہین عدالت دا نوٹس جاری کر دتا اسلام آباد ہائی کورٹ دے چیف جسٹس اطہر من اللہ دی سربراہی و چ چڑیا گھر اندر جانوراں دی ہلاکت کیس دی سماعت ہوئی جس وچ عدالت نے وزیر مملکت برائے موسمیاتی تبدیلی زرتاج گل ، سیکرٹری موسیماتی تبدیلی ناہید درانی تے وزیر اعظم دے مشیر ملک امین اللہ سمیت وائلڈلائف مینجمنٹ بورڈ دے ممبراں نوتو ہین عدالت دا شو کاز نوٹس جاری کر دتا ۔ڈپٹی انارٹی جنرل نے شو کاز نوٹس جاری نہ کرن دی استدعا کیتی جس نوں عدالت نے مسترد کر دیاں ہوئیاں شو کاز دا نوٹس جاری کر کے جواب منگ لیا ، ایس موقع اُتے سیکرٹری موسمیاتی تبدیلی ناہید درانی نے آکھیا کہ واقعے کی ساری ذمہ داری قبول کردی آں ، ۔تاہم کابینہ ارکان دا کوئی تعلق نہیں جس اُتے چیف جسٹس اطہر من اللہ نے آکھیا کہ کابینہ نے وائلڈ لائف بورڈ دی منظوری دتی سی ،لہذاذمہ دار وی اوہ نیں ۔