‘نواں پاکستان منزلاں آسان’ تحریک انصاف دا فلیگ شپ پروگرام اے: وزیراعلیٰ پنجاب

لہور: وزیراعلیٰ پنجاب آکھیا اے ‘نواں پاکستان منزلاں آسان’ تحریک انصاف دا فلیگ شپ پروگرام اے، پہلے مرحلے وچ پنجاب دے دیہی علاقیاں وچ 1236کلومیٹر طویل سڑکاں دی تعمیر و مرمت کیتی جا رہی اے۔

وزیراعلیٰ پنجاب عثمان بزدار نے اپنے بیان وچ آکھیا اے پہلا مرحلہ مرحلہ ایس ورھے دسمبر تک پورا کر لیا جاوے گا، دیہات وچ سڑکاں دی تعمیرو مرمت دے پہلے مرحلے تے 15ارب روپے خرچ ہون گے، نواں پاکستان منزلاں آسان دے دوجے مرحلے دا آغاز جنوری 2020ء وچ ہووے گا۔

عثمان بزدار دا کہنا سی پنجاب دی ساریاں دیہی سڑکاں نوں مرحلہ وار پروگرام دے تحت کارپٹڈ کراں گے، نواں پاکستان منزلاں آسان پروگرام 5ورھے تک جاری رہوے گا، ہر ورھے نواں پاکستان منزلاں آسان پروگرام دے دو فیز پورے کیتے جان گے، دیہی سڑکاں دی تعمیر نال نہ صرف عوام نوں آمدورفت دی سہولت ہووے گی سگوں تجارتی سرگرمیاں نوں وی فروغ ملے گا۔