دامن صاف اے ، جد وی بلایا جائے گا ، پیش ہواں گا : وزیر اعلیٰ عثمان بزدار
لہور( بھلیکھا ٹی وی) وزیر اعلیٰ پنجا نے آکھیا کہ شراب لائسنس دے معاملے اُتے ابہا م دور کرن لئی حقائق نیب دے ساہمنے رکھے ۔ دامن صاف اے جد وی بلایا جائے گا پیش ہواں گا ، قوم نے کل قانون شکنی تے اج قانون پسندی دا مظاہرہ ویکھیا ۔نیب پیشی توں بعد وزیر اعلیٰ پنجاب عثمان بزدار نے اپنے بیان وچ آکھیا کہ قانونی تقاضے پورے کردیاں ہوئیاں ذاتی حیثیت نال نیب دے ساہمنے پیش ہوئیا ، صرف اک گڈی وچ بغیر پروٹوکول نیب دے دفتر گیا ۔ نیب دے ساہمنے اپنا موقف پیش کیتا، لائسنس دے معاملے اُتے ابہام دور کرن لئی حقائق نیب دے ساہمنے رکھے ۔ ہم آئینی اداریاں دے احترام اُتے یقین رکھدے آں ، نویے پاکستان وچ قانون توں بالا تر نہیں ۔ عثمان بزدار نے آکھیا کہ نیب وچ پیش ہو کہ قانون دی بالا دستی نوں تسلیم کرن دی روایت قائم کیتی ، عدالت تے خصوصی کمیشن وچ وی جا کے موقف پیش کر چکیا واں ۔ پچھلے دن نیب دے دفتر دے باہر ہنگامہ آرائی تے قانونی شکنی دا مظاہرہ کیتا گیا ، قانون شکن عناصر نے خود نوں ایکسپوز کیتا ، قانون دی پاسداری ہر شہری اُتے فرض اے ، پنجاب وچ قانونی ضوابط دے مطابق حکومت چلا رہیے واں ۔
