کیپٹن ( ر) صفدر دی اندراج مقدمہ لئی درخواست

لہور ( بھلیکھا ٹی وی ) سیشن عدالت نے کیپٹن ( ر) صفدر دی اندراج مقدمہ لئی درخواست اُتے پولیس نوں نوٹس جاری کردیاں ہویاں 18اگست تک رپورٹ جمع کروان دی ہدایت کر دتی
سیشن عدالت وچ کیپٹن ( ر) صفدر دی درخواست اُتے سماعت ہوئی ، مسلم لیگ ن دی درخواست وچ وزیر اعظم عمران خان ، مشیر برائے داخلہ شہزاد اکبر ، چیئرمین نیب تے ڈی جی سمیت ہورواں نوں وی فریق بنایا گیا۔درخواست گزارنے موقف اختیار کیتا کہ مریم نواز دی پیشی دے دوران اُوہناں اُتے قاتلانہ حملہ کیتا گیا، سرکاری مشینری ولوں طاقت دا بے دریغ استعمال کیتا گیا ، اندراج مقدمہ لئی درخواست دتی لیکن پولیس نے درخواست لین توں انکار کر دتا درخواست وچ آکھیا گیا کہ مسلم لیگ ن نوں سیاسی انتقام دا نشانہ بنایا جا رہیا اے ، مریم نواز دی پیشی دے موقع اُتے پُر امن و عامہ نوں قابو وچ رکھنا حکومت دی ذمہ داری سی ، حکومت تے نیب نے نہتے تے پُر امن کارکناں اُتے حملہ کر کے بدترین تشدد دا نشانہ بنایا۔مسلم لیگ ن ولوں درخواست و چ آکھیا گیا کہ حملہ کرن دے احکامات جاری کرن والیاں اُتے مقدمہ درج کیتا جائے ۔