چھوٹے تے درمیانے درجہ دے کاروباران نوں فروغ دیون لئی کمیٹی تشکیل دے دتی گئی

اسلام آباد ( بھلیکھا ٹی وی ) وزیر اعظم عمران خان نے چھوٹے تے درمیانے درجہ دے کاروبار نوں فروغ دیون لئی کمیٹی تشکیل دے دتی جس دے سربراہ وزیر صنعت حماد اظہر ہون گے ۔کمیٹی ملک وچ سمال اینڈ میڈیم انڈسٹری دے فروغ لئی تجاویز تیار کرے گی ، غربت دے خاتمے ، روزگار دی فراہمی تے معاشی صورتحال دی بہتری دا پلان تیار کیتا جائے گا ۔وفاقی وزیر برائے صنعت و پیدوار تے چاراں صوبائی چیف سیکرٹریز کمیٹی وچ شامل جد کہ وزارت کامرس ، خزانہ ، پاور ، پٹرولیم تے قانون دے وفاق سیکرٹریز وی کمیٹی دا حصہ نیں ۔ چیئرمین ایف بی آر ، چیئرمین ایس سی پی تے ڈپٹی گورنر سٹیٹ بینک وی شامل نیں ، وزیر اعظم نے کمیٹی لئی ٹی او آرز دی بھی منظوری دتی گئی ۔ٹی او آر دے تحت حکومت چھوٹے تے درمیانے درجے دے کاروباری طبقے دی حوصلہ افزائی لئی اقدامات کرے گی ، وزارت صنعت کمیٹی نوں سیکرٹریٹ فراہم کرے گی ۔کمیٹی دے ٹی او آر ز جاری کر دتے گئے نیں ،۔