وفاق کراچی نوں بچان لئی وکھو وکھ قنونی تے آئینی آپشن سوچ رہیا اے: اٹارنی جنرل

کراچی (بھلیکھا ٹی وی )اٹارنی جنرل خالد جاوید خان دا کہنا اے وفاقی حکومت کراچی نوں بچان لئی وکھو وکھ قنونی تے آئینی آپشن سوچ رہی اے۔ سپریم کورٹ کراچی رجسٹری وچ چیف جسٹس پاکستان جسٹس گلزار احمد دی سربراہی وچ 3رکنی بنچ نے حاجی کیمو گوٹھ تجاوزات بارے کیس تے سماعت کیتی۔ چیف جسٹس گلزار احمد نے ریمارکس دتے سندھ سرکار شہریاں دے بنیادی حقوق فراہم کرن وچ نکام ہوئی جہدے تے اٹارنی جنرل خالد جاوید آکھیا کراچی ایس ویلے اک یتیم شہر بنیا ہویا اے پر وفاقی حکومت کراچی نوں بچان لئی وکھو وکھ قنونی تے آئینی آپشن سوچ رہی اے۔ اٹارنی جنرل نے عدالت نوں دسیا میں ایس ویلے ایہ دسن دی پوزیشن وچ نہیں کہ کیہ اقدامات ہو سکدے نیں، پچھلے دیہاڑ وی وزیراعظم نال تفصیلی گل ہوئی سی۔