وزیراعلیٰ پنجاب عثمان بزدار شراب لائسنس کیس وچ نیب وچ پیش

لہور (بھلیکھا ٹی وی )وزیراعلیٰ پنجاب عثمان بزدار نیب لہور وچ پیش ہو گئے جتھے اوہناں توں شراب دے غیر قنونی لائسنس جاری کرن دے کیس وچ تقریباً پونے 2گھنٹے تک تفتیش کیتی گئی۔ وزیراعلیٰ پنجاب عثمان بزدار سکیورٹی تے پروٹوکول دے بغیر صرف اک گڈی وچ وزیراعلیٰ آفس توں روانہ ہوئے تے نیب اپڑے۔ نیب دی تحقیقاتی ٹیم نے وزیراعلیٰ توں اک گھنٹہ 40منٹ تک پوچھ گچھ کیتی تے شراب دے لائسنس دے اجراء بارے سوالات کیتے۔ عثمان بزدار نے نیب دے سوالاں دے جواب دتے تے ذاتی حیثیت وچ اپنا موقف پیش کیتا۔ وزیراعلیٰ پنجاب دے سابق پرنسپل سیکرٹری ڈاکٹر راحیل صدیقی وی نیب لہور وچ پیش ہو گئے تے کیس وچ اپنا بینا ریکارڈ کرایا۔ وزیراعلیٰ عثمان بزدار تے نجی ہوٹل نوں قواعد دے برعکس شراب دا لائسنس دین دا الزام اے۔