عثمان بزدار دی بغیر پروٹوکول نیب پیشی آئین دی پاسداری دی اعلیٰ مثال: فیاض الحسن

لہور(بھلیکھا ٹی وی )فیاض الحسن چوہان آکھیا اے عثمان بزدار دی بغیر پروٹوکول نیب پیشی آئین دی پاسداری دی اعلیٰ مثال اے، عثمان بزدار دی پیشی وچ شرپسند، بددیانت سیاسی مخالفاں لئی نہایت عمدہ سبق اے۔ وزیر اطلاعات پنجاب فیاض الحسن چوہان نے اپنے بیان وچ آکھیا جاتی امرا دے باسیاں نے پچھلے دیہاڑ کارکناں وچ پیسے تقسیم کرکے اک نویں مصیبت مول لے لئی اے، ن لیگ دے نظریاتی کارکناں نے کل رات جاتی امرا وچ ہنگامہ کھڑا کیتا رکھیا، مفت وچ آن والے کارکنان دوجیاں وچ پیسے ونڈن تے اپنے ایم پی ایز دے گلے پئے ہوئے نیں، بدنیتی ساہمنے آن تے بیگم صفدر اعوان تے ن لیگی قیادت بے ڈھنگی تاویلیاں پیش کر رہے نین۔ فیاض الحسن چوہان دا کہنا سی اک چنگا استاد اپنے شاگرداں نوں زمین توں چک کے آسمان تک اپڑا دیندا اے، پر بیگم صفدر اعوان دے استاد پرویز رشید نے اوہناں نوں تے ن لیگ نوں زمین بوس کر دتا۔