پنجاب: دھند دی وجہ توں ٹریفک حادثات، 2بھراواں سنے 3بندے جاں بحق

عارف والا: پنجاب دے وکھو وکھ شہراں نوں دھند نے لپیٹ وچ لے لیا، عارف والا تے ظفر والا وچ دھند دی وجہ توں حادثات وچ دو بھراواں سنے تن بندے جاں بحق ہو گئے۔

پنجاب دے میدانی علاقیاں وچ سردی دی شدت ودھن نال صبح دے ویلے دھند چھائی رہی، عارف والا وچ پاکپتن روڈ تے بس نے موٹرسائیکل نوں ٹکر مار دتی جہدے نال سکول جان والے دو بھرا موقع تے ای جاں بحق ہو گئے، حادثے دے بعد بس دا ڈرائیور فرار ہو گیا۔ ظفروال وچ وی شدید دھند نال حد نگاہ گھٹ ہون دی وجہ توں ٹریکٹر موٹرسائیکل نال ٹکرا گیا، حادثے وچ موٹرسائیکل سوار شخص تے دو بچے زخمی جد کہ خاتون جاں بحق ہو گئی۔بورے والا، چشتیاں، پتوکی، ساہیوال، مانگا منڈی، چیچہ وطنی تے دوجے شہراں وچ دھند دا راج رہیا، شدید دھند دی وجہ توں سڑکاں تے ٹریفک دی روانی متاثر ہوئی۔ ٹوبہ ٹیک سنگھ وچ دھند گھٹ ہون تے بند کیتی گئی، ایم فور موٹروے نوں کھول دتا گیا۔ موٹروے پلس نے شہریاں نوں دھند وچ غیر ضروری سفر توں گریز کرن دی ہدایت کیتی اے۔

اوہناں دا کہنا اے دوران سفر گڈی تے فوگ لائٹاں استعمال کرو۔