وزیراعظم ہر محاذ تے شاطرانہ چالاں دا مقابلہ کر رہے نیں: فردوس عاشق

لہور: وزیراعظم دی معاون خصوصی برائے اطلاعات فردوس عاشق نے اپنے ٹویٹ وچ آکھیا اے لیگی ترجماناں نوں اپنے قائد دے پلیٹ لیٹس دی بجائے سیاست دی فکر پے گئی اے۔

فردوس عاشق نے لکھیا اج ظل سبحانی دی صحت بارے دعا دی اپیل کیوں نہیں کیتی؟ تسیں پاکستان دے مقبول رہنما تے منتخب وزیراعظم تے تنقید کرکے اپنا قد اچا کرن دی کوشش کر رہے او۔

اوہناں آکھیا ہاں تسیں ٹھیک آکھیا وزیراعظم عمران خان کرپشن دے فارمولیاں توں آگاہ نہیں تے نہ ای اپنے رفقا دے ذاتی کاروبار نوں تحفظ دیندے نیں۔

جنرل جیلانی دے پرچھاویں وچ پروان چڑھن والے منتخب وزیراعظم دے حوالے نال بغض تے مبنی بیانات داغ رہے نیں۔

معاون خصوصی برائے اطلاعات نے ٹویٹ وچ لکھیا عمران خان ہر محاذ تے شاطرانہ چالاں دا مقابلہ کر رہے نیں تے کردے رہن گے۔