آصف زردای نے حکومتی پالیسیاں نوں ملک لئی تباہ کن قرار دے دتا

لہور( بھلیکھا ٹی وی ) سابق صدر آصف علی زرداری نے حکومتی پالیسیاں نوں ملک لئی تباہ کن قرار دے دتا ، آصف علی زرداری نے پارٹی رہنماواں نوں پالیسی گائیڈ لائنز دیندیاں ہوئیاں حکمراناں نوں پالیساں اُتے ٹھوس لائحہ عمل اپناون دی ہدایت کیتی ۔آصف علی زرداری نے آکھیا کہ ساہنوں عوام دے تحفظ تے ملک نوں مشکلاں توں بچانا اے ، موجودہ حکومت نے ملک نوںغلط جگہ پہنچا دتا اے تے روز نویے توں نویے تجربے کر رہے نیں ۔آصف علی زرداری نے ہور آکھیا کہ کہیڑا شعبہ اے جتھے پی ٹی آئی حکومت نوں ریلیف نہ دتا گیا ہوئے ،ایہہ حکمران ملک تو اوس جگہ تے لے گئے نیں جتھے کوئی وی ایس نوں سنبھال نہ سکے ۔اوہناں نے آکھیا کہ خارجہ محاز ہوئے یا معیشت ، حکومت ہر محاز اُتے ناکام ہو چکی اے، ضد تے ہٹ دھرمی نال سیاست نہیں چلدی ، موجودہ حکومت نے ہر شعبے نوں بحران دا شکار کر دتا اے ۔