آرمی چیف دی مدت ملازمت تے بل اکثریت دے نال پاس ہووے گا: گورنر سندھ

کراچی: گورنر سندھ عمران اسماعیل آکھیا اے آرمی چیف دی مدت ملازمت تے بل اکثریت دے نال پاس ہووے گا۔

حکومت فوج عدالتاں اک پیج تے نیں۔ سازشاں کرن والے حسرت دے آنسو بہا کے سو جان۔

کراچی دے علاقے کورنگی وچ مسجد دا افتتاح کرن دے بعد میڈیا نال گل کردیاں گورنر سندھ عمران اسماعیل دا کہنا سی مولانا فضل الرحمان کہڑے حلقے کھلوانا چاہندے نیں، سانوں دسن، ایہ لوک چار تھاواں تے کھڑے ہوندے نیں تے اک تھاں توں وی نہیں جت پاندے۔

گورنر سندھ عمران اسماعیل دا ہور کہنا سی آرمی چیف دی مدت ملازمت تے بل واضح اکثریت دے نال اسمبلی وچ پاس ہووے گا۔ اپوزیشن دا اپنا فیصلہ ہووے گا کہ اوہ کیہ کرنا چاہندی اے۔

اوہناں آکھیا میئر کراچی دے نال رابطے وچ آں، چیزاں نوں بہتر ہون وچ ویلا لگدا اے۔ کراچی نوں 8ارب روپے جاری ہو گئے نیں۔