آصف زرداری توشہ خانہ ریفرنس وچ احتساب عدالت پیش، 9ستمبر نوں دوبارہ طلب

اسلام آباد (بھلیکھا ٹی وی )توشہ خانہ ریفرنس وچ سابق صدر آصف زرداری احتساب عدالت وچ پیش ہو گئے۔ احتساب عدالت اسلام آباد وچ توشہ خانہ ریفرنس دی سنوائی ہوئی تے آصف زرداری احتساب عدالت وچ پیش ہوئے۔ اوہناں نے کوروناتوں بچاؤ لئی فیس شیٹ تے این 95ماسک پایا ہویا سی۔ اوہ پچھلے ورھے 12دسمبر نوں رہائی دے بعد پہلی وار احتساب عدالت پیش ہوئے نیں۔ ایس موقع تے اسلام آباد پلس نے احتساب کورٹ دے سخت سکیورٹی انتظامات کیتے تے اک ہزار توں ودھ پلس افسراں تے جواناں نے سکیورٹی دے فرائض سرانجام دتے۔ احتساب عدالت نے آصف زرداری سنے دوجے ملزماں تے 9ستمبر نوں فرد جرم لاگو کرن دا فیصلہ کردیاں سماعت ملتوی کر دتی۔ عدالت نے آصف زرداری، یوسف رضا گیلانی، عبدالغنی مجید تے انور مجید نوں فرد جرم لئی 9ستمبر نوں طلب کر لیا۔ عدالت نے آصف زرداری نوں اگلی سماعت تے چھوٹ دین دی استدعا رد کردیاں آکھیا ملزم آپ پیش ہووے۔

اپنا تبصرہ گھلو