سندھ سرکار دے اختیارات وچ کسے نوں حصہ دار نہیں بناواں گے: وزیراعلیٰ سندھ

کراچی (بھلیکھا ٹی وی )وزیراعلیٰ سندھ مراد علی شاہ آکھیا اے صوبائی حکومتی اختیارات وچ کسے نوں حصہ دار نہیں بناواں گے۔ وزیراعلیٰ سندھ مراد علی شاہ نے پریس کانفرنس کردیاں آکھیا پچھلے دناں توں آئین نوں پامال، دیس نوں نقصان اپڑان دی گلاں کر رہے نیں، اجہے لوک ملک دشمن نیں، سندھ ساڈی ماں اے، جہڑا ماں دے ٹکڑے دی گل کرے گا اوہدے ساہمنے کھڑے ہو جاواں گے، کسے حالت وچ سندھ سرکار دی ایگزیکٹو پاور (اختیارات) کسے دے ہتھ شیئر نہیں کراں گے۔ وزیراعلیٰ سندھ دا کہنا سی کراچی تے وفاق نال کوئی معاہدہ نہیں ہویا تے نہ ای کمیٹی بنی اے سگوں صرف گل ہوئی اے، ایگزیکٹو رول لئی سیاسی جماعتاں دی کمیٹی نہیں بنائی، کجھ لوک کہندے سن اسیں تہاڈے نال بیٹھنا پسند نہیں کراں گے۔ اج بیٹھن لئی تڑپ رہے نیں، سندھ دے اختیارات دے نال کوئی چھیڑ چھاڑ نہیں کرن دیواں گے جہدے دماغ وچ خناس اے اوہ کڈھ دیوے۔

اپنا تبصرہ گھلو