توشہ خانہ ریفرنس، نوازشریف نوں اشتہاری قرار دین دی کاروائی موخر
اسلام آباد(بھلیکھا ٹی وی )توشہ خانہ ریفرنس وچ احتساب عدالت نے نوازشریف نوں اشتہاری قرار دین دی کاروائی موخر کر دتی۔ احتساب عدالت اسلام آباد وچ توشہ خانہ ریفرنس دی سنوائی ہوئی تے نوازشریف توشہ خانہ ریفرنس وچ عدالتی کاروائی دا حصہ بن گئے تے احتساب عدالت وچ اج دی سماعت ملتوی کرن دی عرضی دائر کر دتی۔نوازشریف دے وکیل بیرسٹر جہانگیر جدون عدالت وچ اپڑے تے درخواست دائر کردیاں آکھیا اسلام آباد ہائی کورٹ احتساب عدالت دی کاروائی نوں چیلنج کیتا اے جہدے فیصلے دا انتظار کیتا جائے۔ عدالت نے نوازشریف نوں اشتہاری قرار دین دی کاروائی 25اگست تک روکدیاں ہوئیاں نوازشریف دی حد تک اج دی سماعت کرن دی عرضی منظور کر لئی۔نوازشریف نوں اشتہاری قرار دین یا ٹرائل وچ شامل کرکے فرد جرم لاگو کرن دا فیصلہ 25اگست نوں ہووے گا۔
