دامن صاف اے، نیب نے مینوں بطور مجرم نہیں گواہ بلایا: وزیراعلیٰ پنجاب

لہور (بھلیکھا ٹی وی )وزیراعلیٰ پنجاب آکھیا اے نیب نے مینوں بطور مجرم نہیں گواہ بلایا، دامن صاف اے، نیب نے جنے سوالات کیتے، سب دا جواب دیواں گا، فرنٹ فٹ تے کھیڈاں گے، وزیراعظم عمران خان دا میرے اُتے مکمل اعتماد اے۔ وزیراعلیٰ پنجاب عثمان بزدار نے لہور چیمبر آف کامرس اینڈ انڈسٹری وچ تاجر تے صنعتکاراں نال خطاب کردیاں آکھیا ڈیڑھ ورھے وچ13خصوصی اقتصادی زونز تے کم دا آغاز کیتا، راوی کنارے نواں شہر آباد کرن دا فیصلہ کیتا، ودھدے مسئلیاں نوں حل کرن لئی نواں شہر آباد کرن دا فیصلہ کیتا۔ اوہناں آکھیا تاجر برا دری دے مسئلے ترجیحی بنیاداں تے حل کراں گے، معیشت بحال ہوئی تے دیس ترقی ول گامزن اے، زراعت دے شعبے وچ اصلاحات لیا رہے آں۔ عثمان بزدار دا کہنا سی سرکار دی توجہ جنوبی پنجاب دی ترقی اُتے اے، گھٹ ترقی یافتہ علاقے ساڈی ترجیح نیں، جنوبی پنجاب دی ترقی لئی سیکرٹریٹ فعال ہو گیا۔ اوہناں آکھیا سمارٹ لاک ڈاؤن دی بدولت کورونا نال نبڑن وچ کامیاب ہوئے، مربوط تعاون تے حکمت عملی نال صورتحال وچ بہتری آئی، ماڈل پلس سٹیشن دے منصوبے نوں اگے ودھاواں گے۔