وزیراعظم عمران خان نال مصر دے سرمایہ کار نجیب ساویرس دی ملاقات
اسلام آباد: وزیراعظم نال مصر دے سرمایہ کار نجیب ساویرس نے ملاقات کیتی جہدے وچ ہاؤسنگ منصوبے تے سیاحت دے شعبے وچ سرمایہ کاری تے مشاورت کیتی گئی۔
وزیراعظم نال ملاقات توں پہلاں جیب ساویرس دی معاون خصوصی زلفی بخاری نال اہم ملاقات ہوئی، وزیراعظم دے معاون خصوصی زلفی بخاری نے نجیب ساویرس نوں پاکستان آمد تے خوش آمدید آکھیا تے اپنے ٹویٹ وچ لکھیا پاکستان تہاڈا دوجا گھر اے، نواں پاکستان بنان وچ تہاڈا کردار وی اہم ہووے گا۔
زلفی بخاری دے ٹویٹ دے جواب وچ نجیب ساویرس نے آکھیا پاکستان میرا دوجا گھر اے، پاکستان دے لوک محنتی، ثقافت پسند تے روایات دے امین نیں۔ نجیب ساویرس دے اثاثیاں دی کل مالیت 2.8ارب ڈالرز اے۔
