سابق ڈی جی ایف آئی اے بشیر میمن ریٹائرمنٹ توں کجھ دن پہلاں مستعفی

اسلام آباد: پلس سروس آف پاکستان دے سینئر افسر بشیر میمن نے ریٹائرمنٹ توں 10دن پہلاں ڈی جی ایف آئی اے دے عہدے توں ہٹائے جان تے احتجاجاً استعفیٰ دے دتا۔

سابق ڈی جی ایف آئی اے بشیر میمن نے اپنا استعفیٰ اسٹیبلشمنٹ ڈویژن نوں گھل دتا اے، پلس سروس دے 22ویں گریڈ دے افسر بشیر میمن نوں ڈی جی ایف آئی اے دے عہدے توں ہٹایا گیا سی، ایہناں دی تھاں پاناما جے آئی ٹی دی سربراہی کرن والے واجد ضیاء نوں ایف آئی اے دا سربراہ مقرر کیتا گیا سی۔

قریبی ذرائع نے دسیا اے بشیر میمن نے حکومتی فیصلے تے احتجاجاً استعفیٰ دتا، ایہناں دا موقف اے کہ اوہناں نے 35ورھیاں تک ملک و قوم دی خدمت کیتی ایہناں نوں ریٹائرمنٹ توں صرف 10دن پہلاں عہدے توں ہٹآ دتا گیا، سرکار نے ایہناں دی خدمات نوں نظر انداز کیتا تے دس دن وی برداشت نہیں کر سکی۔

واضح رہوے کہ بشیر میمن نے 16دسمبر نوں اپنی مدت ملازمت پوری ہون تے ریٹائر ہونا سی۔