گورنرپنجاب نال فیاض الحسن دی ملاقات سیاسی صورت حال اُتے گل بات

لہور ( بھلیکھا ٹی وی )گورنر پنجاب چودھری سرور نال صوبائی وزیر اطلاعات فیاض الحسن چوہان نے ملاقات کیتی ، جس وچ باہمی دلچسپی دے امور تے سیاسی صورت حال اُتے گل بات کیتی گئی ،ایس موقع اُتے گورنر پنجاب چودھری سرور نے آکھیا کہ وزیر اعظم عمران خان دی ایماندرای اُتے کوئی انگلی نیں چُک سکدا، افراتفری تے ناامیدی پھیلاون والیاں نوں مایوسی دا ساہمنا کرنا پیے گا ، آئین تے قانون دی حکمرانی اُتے حکومت کسی وی قسم دا سمجھوتہ نہیں کرے گی ۔ حکومت نوں 2سال مکمل ہو چکے نہیں اجے باقی تین سال پیئے نیں ۔چودھری سرور نے آکھیا کہ ملک پہلی وار درست سمت جا رہیا اے ، معاشرے نوں کمزور طبقے دی مضبوطی لئی عملی اقدامات کر رہیے واں ،ملک نوں بوہت وڈے وڈے چیلنجاں دا ساہمنا اے لیکن حکومت دی ہر پالیسی کامیاب ہو رہیی اے ۔وزیر اطلاعات پنجاب فیاض الحسن چوہان نے آکھیا کہ حکوم نے اپنی بہترین منصوبہ بندی نال ملک نوں دیوالیہ ہوون توں بچایا ، نیا پاکستان ہائوسنگ سکیم تے احساس پروگرام غریب دوستی دی عظیم مثال اے ، عوام حکومتی پالیسیاں دے نال کھڑی اے ، عمران خان ہی اوہ لیڈر نیں جو ملک نوں مضبوط تے خوشحال بنا سکدے نیں ۔

اپنا تبصرہ گھلو