سندھ روشن پروگرام کرپشن، ملزماں دی پلی بارگین دی عرضی منظور
اسلام آباد: سندھ روشن پروگرام کرپشن کیس وچ ملوث ملزمان عبدالستار تے اسلم پرویز دی 31لکھ روپے دے عوض پلی بارگین عرضی منظور کیتی گئی۔
اسلام آباد دی احتساب عدالت وچ جعلی بینک اکاؤنٹس کیس دی سماعت دے دوران سندھ روشن پروگرام وچ کرپشن معاملے وچ ملوث شریک ملزم عبدالستار قریشی تے اسلم پرویز میمن دی پلی بارگین دی عرضی منظور کر لئی گئی اے۔
عبدالستار قریشی تے اسلم پرویز میمن دی 31لکھ دے عوض پلی بارگین دی عرضی منظور کیتی گئی۔
عدالت نے ملزم اسلم پرویز میمن دی 25لکھ تے عبدالستار قریشی دی 6لکھ وچ پلی بارگین دی عرضی منظور کیتی۔ ملزمان نوں اڈیالہ جیل توں جج محمد بشیر دی عدالت وچ پیش کیتا گیا سی۔
