اردن دے شہر کراماہ وچ آتشزدگی، 8بالاں سنے 13پاکستانی جاں بحق
اومان: اردن دے شہر کراماہ دے دو گھراں وچ اگ لگن نال 8بالاں سنے 13پاکستانی جاں بحق تے 3زخمی ہو گئے۔
2پاکستانی خاندان فارم ہاؤس دے نیڑے رہائش پذیر سن جتھے اگ لگی، فائر بریگیڈ عملے دے اپڑن توں پہلاں ای 13پاکستانی سڑ کے جاں بحق ہو چکے سن، 3زخمیاں نوں ہسپتال اپڑا دتا گیا۔
حکام حادثے دی وجوہات جانن دی کوشش کر رہے نیں، اردن وچ 8ہزار پاکستانی مقیم نیں جہڑے زراعت دے شعبے نال منسلک نیں۔
