کسے نوں عوام دے ووٹاں تے ڈاکہ نہیں پان دیواں گے: فضل الرحمان
کوئٹہ: مولانا فضل الرحمان نے آکھیا اے دیس وچ حکمرانی دا حق ووٹ دی طاقت نال آن والیاں نوں اے ۔
بیرونی بالادستی تے سازشاں نوں نہیں من دے تے نہ ای عوامی مفادات تے سمجھوتہ کراں گے۔
ایہ گل اوہناں نے کوئٹہ وچ پشتونخوا ملی عوامی پارٹی دے زیر اہتمام ہون والے جلسہ نال خطاب کردیاں کہی۔
اوہناں دا کہنا سی اسیں آزادی دی نہر توں پانی پین والے آں، ایہدی قدر توں خوب واقف آں۔ اسیں آئین دا احترام کرنے آں۔ سانوں بازاری حکمران قبول نہیں ۔
فضل الرحمان دا کہنا سی اسیں چوری دا نہیں سگوں پاکستان وچ مستحکم جمہوری نظام چاہنے آں۔ اداریاں نال تصادم نہیں چاہندے پر ادارے وی آئینی دائرہ کار وچ رہ کے کم کرن۔
ساڈی غیرت نجائز سرکار نوں نہیں من دی۔ جلسے نال خطاب کردیاں محمود اچکزئی نے آکھیا کرپٹ لوکاں دیاں وفاداریاں خرید کے ایہناں نوں اسمبلیاں وچ لیایا جاندا اے جو سراسر غلط اے۔
سانوں بیرونی امداد نہیں چاہیدی، بس اپنے وطن دے وسائل ہر حق تسلیم کیتا جاوے۔
