دادو وچ سیلابی پانی اک وار فیر آبادی وچ داخل، درجناں پنڈ دا زمینی رابطہ منقطع
دادو: مون سون بارشاں دی وجہ توں دادو دی تحصیل جوہی دے درجناں پنڈ اک وار فیر پانی وچ ڈُب گئے نیں تے ایہناں پنڈ توں دیس دے دوجے حصیاں دا زمینی رابطہ منقطع ہو گیا اے۔
ایس مہینے شروع وچ مون سون بارشاں پاروں ضلع دادو دے بارانی علاقے کاچھو وچ کھیر تھر دے پہاڑی سلسلے توں آن والے سیلابی ریلیاں نال 50توں ودھ پنڈ زیر آب آ گئے سن۔
حالیہ بارشاں دے نتیجے وچ کاچھو وچ پہاڑاں توں آن والے پانی دی وجہ توں متاثرین دی مشکلات اک وار فیر ودھ گئیاں نیں۔
کاچھو نوں سیلابی پانی توں بچان والے گاج ڈیورشن بند دا مرمتی کم مکمل نہ ہون دی وجہ توں حالیہ بارشاں دا پانی دوبارہ سیلابی علاقیاں وچ داخل ہو گیا اے جہدی وجہ توں متاثرہ علاقے دوبارہ زیر آب آ گئے نیں۔ کاچھو دا زمینی رابطہ منقطع ہون تے کھان پین دی شیواں، دوائیاں تے جانوراں دے چارے دی شدید قلت برقرار اے۔
Load/Hide Comments





















