کورونا ٹیسٹ منفی دی شرط پوری کرن والی ایئر لائناں تے سیٹ دا وقفہ رکھن دی شرط ختم
پاکستان سول ایوی ایشن اتھارٹی (سی اے اے) نے نویں ٹریول ایڈوائزری جاری کر دتی اے جہدے مطابق کورونا ٹیسٹ منفی دی شرط پوری کرن والی فضائی کمپنیاں دے بین الاقوامی مسافراں لئی سماجی فاصلے دی شرط ختم کر دتی گئی اے۔
سول ایوی ایشن اتھارٹی دے نوٹیفکیشن دے مطابق نویں ایڈوائزری دی مدت 21اگست توں 31اکتوبر تک ہووے گی جد کہ بورڈنگ کارڈ جاری کرن توں پہلاں کورونا ٹیسٹ منفی دی شرط پوری کرن والی ایئر لائناں تے سیٹ دا وقفہ رکھن دی شرط ختم کردتی گئی اے۔
نوٹیفکیشن دے مطابق کورونا ٹیسٹ رپورٹ دے بغیر بورڈنگ کارڈ جاری کرن والی پروازاں تے سماجی فاصلہ برقرار رکھیا جائے گا۔
نویں ایڈوائزری وچ آکھیا گیا اے مسافراں نوں بٹھان توں پہلاں جہاز وچ جراثیم کش سپرے کیتا جائے گا جد کہ جہاز دے کپتان دا انتظامات تے مطمئن ہونا لازم قرار دتا گیا اے۔
Load/Hide Comments





















