کراچی وچ نالیاں تے قائم تجاوزات دے خاتمے دا فیصلہ

سندھ تے وفاقی حکومت دے نمائندیاں تے مشتمل کوآرڈی نیشن کمیٹی نے کراچی وچ نالیاں تے قائم تجاوزات دے خاتمے دا فیصلہ کیتا اے۔

کراچی وچ نالیاں تے قائم تجاوزات بارے کوآرڈی نیشن کمیٹی دا اجلاس ہویا جہدے وچ وزیراعلیٰ سندھ مراد علی شاہ، وزیر تعلیم سعید غنی، وزیر بلدیات ناصر شاہ جد کہ وفاقی حکومت ولوں وفاقی وزیر اسد عمر، علی زیدی تے امین الحق شریک ہوئے۔

اجلاس وچ اسلام آباد توں ویڈیو لنک تے چیئرمین این ڈی ایم اے لیفٹیننٹ جنرل محمد افضل تے سیکرٹری پلاننگ نے وی رلت کیتی۔

وزیر اطلاعات سندھ ناصر شاہ نے اجلاس دے حوالے نال دسیا کہ اجلاس وچ نالیاں تے قائم تجاوزات نوں ہٹان دا فیصلہ کیتا گیا ے۔

اوہناں دا کہنا سی نالیاں تے اجہی تجاوزات جتھے رہائش نہیں اے اوہناں نوں پیر توں ہٹایا جائے گا جد کہ جتھے لوک رہائش پذیر نیں اوہناں دی متبادل رہائش دا بندوبست کیتا جائے گا۔

اپنا تبصرہ گھلو