غیر قنونی الاٹمنٹ کیس: سیکرٹری بلدیات سندھ روشن شیخ گرفتار
کراچی: سرکاری زمین دی غیر قنونی الاٹمنٹ کیس وچ نیب نے سیکرٹری بلدیات سندھ روشن شیخ نوں گرفتار کر لیا۔
سندھ ہائی کورٹ وچ سیکرٹری بلدیات سندھ روشن شیخ دی غیر قنونی الاٹمنٹ کیس وچ درخواست ضمانت تے سماعت ہوئی جہنوں عدالت نے رد کردیاں آکھیا ملزمان ولوں اختیارات دے نجائز استعمال نوں تقویت ملدی اے، ملزمان نے اختیارات دا نجائز استعمال کرکے قومی خزانے نوں نقصان اپڑایا ایس لئی روشن علی شیخ تے دوجیاں نوں گرفتار کیا جائے۔
عدالت ولوں ضمانت رد ہون دے بعد روشن شیخ دے وکیل نے عدالت وچ عرضی جمع کرائی جہدے وچ استدعا کیتی گئی کہ گرفتاری 7دن لئی موخر کیتی جائے پر عدالت نے عرضی اک وار فیر رد کر دتی۔ سیکرٹری بلدیات روشن شیخ کئی گھنٹے کمرہ عدالت وچ بیٹھے رہے پر کورٹ روم توں باہر نکلدیاں ای نیب دی ٹیم نے اوہناں نوں گرفتار کر لیا۔
ایہدے علاوہ غیر قنونی اراضی الاٹمنٹ کیس وچ نیب نے سابق ایڈمنسٹریٹر لالہ فضل الرحمان نوں وی گرفتار کر لیا اے۔





















