اسرائیل نوں تسلیم کرن دے حوالے نال کسے دباء وچ نہیں آواں گے: شاہ محمود قریشی

اسلام آباد: وزیر خارجہ شاہ محمود قریشی دا کہنا اے اسرائیل نوں تسلیم کرن دے حوالے نال کسے دباء وچ نہیں آواں گے۔

دفتر خارجہ اسلام آباد وچ پریس کانفرنس دے دوران شاہ محمود قریشی آکھیا وزیراعظم نے اقوام متحدہ جنرل اسمبلی وچ مقبوضہ کشمیر لئی آواز چکی، وزیراعظم نے ہر تھاں مقبوضہ کشمیر تے اپنا موقف پیش کیتا۔

مقبوضہ کشمیر نوں ویکھن دے انداز وچ عالمی تبدیلی ہو رہی اے، ہن آزادانہ انٹرنیشنل کرائسس مینجمنٹ گروپ وی مقبوضہ کشمیر وچ ”انڈیجنس ماس ریزیسٹنس موومنٹ” دے الفاظ استعمال کر رہیا اے۔ شاہ محمود قریشی آکھیا مقبوضہ کشمیر دی معیشت برباد کیتی گئی، مقبوضہ کشمیر وچ اج وی پابندیاں نیں تے کشمیریاں نوں مسئلیاں دا ساہمنا اے، مقبوضہ کشمیر وچ سیاسی معاملات زور پھڑدے جا رہے نیں، کشمیری کہہ رہے نیں کہ اسیں بھارت دے جموں و کشمیر دے اٹوٹ انگ ہون دے خود ساختہ دعویاں نوں تسلیم نہیں کردے۔ شاہ محمود قریشی آکھیا حال وچ ای چین دے دورے توں واپس آیا آں، چین نے واضح کیتا چین بھارت دے 5اگست دے اقدامات نوں غیر قنونی سمجھدا اے، چین نے آکھیا اوہ لداخ تے کشمیر تے بھارتی موقف نوں تسلیم نہیں کردے، اجے لداخ دے حوالے نال بھارت تے چین دا معاملہ ختم نہیں ہویا حالاں جے ہن تک دوواں ملکاں وچ 5واری مذاکرات ہو چکے نیں، چین نے واضح طور پر آکھیا اقوام متحدہ دی سلامتی کونسل دی قرارداداں دے مطابق مسئلے نوں حل ہونا چاہیدا اے۔

اپنا تبصرہ گھلو