خورشید شاہ دے خلاف فرد جرم لاگو کرن دی کاروائی روک دتی گئی
سکھر: نیب دی عرضی تے رہنما پیپلزپارٹی خورشید شاہ دے خلاف فرد جرم لاگو کرن دی کاروائی روک دتی گئی۔
احتساب عدالت نے نیب دی عرضی تے رہنما پاکستان پیپلزپارٹی خورشید شاہ دے خلاف فرد جرم لاگو کرن دی کاروائی روک دتی، نیب نے عدالت توں عرضی وچ آکھیا سانوں ہور شواہد لیانے نیں ایس لئی فرد جرم روکیا جائے تے جرح کرن لئی ہور مہلت دتی جائے جہدے تے احتساب عدالت نے 8ستمبر تک فرد جرم دی کاروائی روک دتی۔ احتساب عدالت دے باہر میڈیا نال گل کردیاں خورشید شاہ آکھیا میرے خلاف نیب اک وی ثبوت نہ لیا سکی اے، اک سال توں سلاخاں دے پچھے آں، ایہ واحد کیس اے جہدے وچ اسیں کہہ رہے آں کہ ساڈے اُتے فرد جرم لاگو کرو پر اچانک نیب دی عرضی آ گئی، نیب نے ایہ من لیا اے کہ ہن تک اوہناں دے کول ٹھوس ثبوت نہیں جے اک سال وچ ایہ ثبوت نہ لیا سکے تے ہن کیہ لیان گے۔
Load/Hide Comments





















