اے این ایف دی کاروائی، 10کلوگرام توں ودھ اعلیٰ کوالٹی دی چرس برآمد

فیصل آباد: اینٹی نارکوٹکس فورس نے کاروائی کردیاں 10کلوگرام توں ودھ اعلیٰ کوالٹی دی منشیات برآمد کیتی اے۔

اینٹی نارکوٹکس فورس پنجاب نے فیصل آباد دے وکھو وکھ علاقیاں وچ کاروائیاں کردیاں ہوئیاں لکھاں روپے مالیت دی منشیات برآمد کر لئی۔

اے این ایف دے مطابق کوٹ مومن موٹروے ٹول پلازہ دے نیڑے برآمد ہون والی منشیات وچ 10کلوگرام توں ودھ اعلیٰ کوالٹی دی چرس شامل اے جد کہ ملزمان شاہد خان نوں وی گرفتار کر لیا گیا اے جہڑا سرگودھا دا رہائشی اے۔

دوجی کاروائی وی فیصل آباد دے علاقے پرانی چونگی ستیانہ روڈ نزد شیل پٹرول پمپ دے نیڑے کیتی گئی تے ملزم محسن علی 2.4کلوگرام چرس دے نال گرفتار کیتا گیا اے جد کہ ہور تحقیقات جاری نیں۔

اپنا تبصرہ گھلو