کورونا پاروں 9افراد اللہ نوں پیارے ہو گئے ، مہلک وائرس نال2لکھ95ہزار53شہری متاثر

اسلام آباد ( بھلیکھا ٹی وی ) کورونا دا زور ٹُٹ گیا ، تے موتاں گھٹ گیاں ، مہلک وائرس نے9افراد دی جان لے لئی ، جس توں بعدموتاں دی تعداد6ہزار283ہو گئی ،پاکستان وچ کورونا دے تصدیق شدہ مریضاں دی تعداد2لکھ95ہزار53ہو گئی ۔نیشنل کمانڈ اینڈ آپریشن سینٹر دی تازہ رپورٹ دے مطابق پچھلے24 گھنٹے دے دوران 415 نویں مریض ساہمنے آئے پنجاب وچ 96 ہزار 636، سندھ وچ 1لکھ29 ہزار 81، خیبر پختونخواوچ 35 ہزار 923، بلوچستان وچ12 ہزار 742، گلگت بلتستان وچ 2 ہزار 816، اسلام آبادوچ15 ہزار 578 جدکہ آزاد کشمیر وچ2 ہزار 277 مریض ساہمنے آئے ۔پورے ملک وچ ہن تک 25 لاکھ 59 ہزار 261 افراددے ٹیسٹ کیتے گئے،پچھلے 24گھنٹے دے دوران 23 ہزار 483 نویں ٹیسٹ کیتے گئے،ہن تک 2 لکھ 79 ہزار 937 مریض صحتیاب ہوچکے نیں جد کہ644 مریضاں دی حالت تشویشناک اے ۔پاکستان وچ کورونانال اک دن وچ 9 افراد جاں بحق ہوگئے جس توں بعد وائرس نال مرن والیاں دی تعداد 6 ہزار 283 ہوگئی۔ پنجاب وچ 2 ہزار 195، سندھ وچ2 ہزار 394، خیبر پختونخوا وچ 1 ہزار 250، اسلام آبادوچ 175، بلوچستان وچ141، گلگت بلتستان وچ67 تے آزاد کشمیر وچ61 مریض جان توں ہتھ دھو بیٹھے ۔

اپنا تبصرہ گھلو