آصف زرداری تے نوازشریف دے خلاف توشہ خانہ ریفرنس دی سماعت یکم اکتوبر تک ملتوی

اسلام آباد: سابق صدر آصف زرداری تے وزرائے اعظم نوازشریف تے یوسف رضا گیلانی دے خلاف توشہ خانہ ریفرنس دی سماعت یکم اکتوبر تک ملتوی کر دتی گئی، آصف زرداری پیش نہ ہو سکے۔

احتساب عدالت اسلام آباد وچ آصف زرداری، نوازشریف تے یوسف رضا گیلانی دے خلاف توشہ خانہ ریفرنس دی سنوائی ہوئی، آصف زرداری دے وکیل فاروق ایچ نائیک پیش ہوئے تے آصف زرداری دی حاضری توں چھوٹ کی عرضی دائر کیتی۔

دوران سماعت وکیل فاروق ایچ نائیک نے نیب ولوں گواہ پیش کرنے تے اعتراض کردیاں آکھیا سانوں نہیں دسیا گیا سی کہ نیب ولوں گواہ پیش کیتا جائے گا، اج گواہواں دے بیانات ریکارڈ کرو، اسیں اگلی سماعت تے جرح کراں گے۔

نیب پراسیکیوٹر سردار مظفر آکھیا اک گواہ دا بیان ہووے گا، ایہدے تے جرح ہووے گی فیر اگلا گواہ پیش کراں گے۔ نیب دی احتساب عدالت توں توشہ خانہ ریفرنس تے روزانہ دی بنیاد تے سماعت دی استدعا تے وی فاروق نائیک نے اعتراض کیتا، آکھیا کہ پتہ نہیں نیب نوں ایہناں کیساں وچ اینی جلدی کیہ اے۔

تسیں ایتھے سکیورٹی رسک بنانا چاہندے او تے اسیں آصف زرداری نوں روز پیش کر دیا کراں گے۔گواہ عمران ظفر نے عدالت وچ بیان ریکارڈ کرایا کہ الیکشن کمیشن وچ بطور ڈپٹی ڈائریکٹر کانفیڈینشل خدمات سرانجام دتیاں، 7فروری 2019ء نوں نیب ولوں خط موصول ہویا جہدے وچ نیب ولوں انکوائری لئی تفصیلات منگی گئیاں سن۔

اپنا تبصرہ گھلو