سندھ وچ جبری تبدیلی مذہب دے واقعات زیادہ ہو رہے نیں: نور الحق قادری

اسلام آباد: وفاقی وزیر مذہبی امور نور الحق قادری آکھیا اے جبری تبدیلی دے واقعات سندھ کے دو تن ضلعیاں وچ زیادہ ہو رہے نیں ایہناں دی انتظامیہ نوں طلب کرکے پچھیا جا سکدا ا ے۔

قائمہ کمیٹی برائے مذہبی امور نوں دسیا مذہب دی جبری تبدیلی دے واقعات سندھ وچ زیادہ نیں۔ سندھ دے دو تن ضلعیاں وچ ایہ واقعات ہو رہے نیں۔

ایہناں ضلعیاں دی انتظامیہ نوں اسلام آباد طلب کرکے پچھیا جا سکدا اے۔

مذہبی امور دی وزارت جبری تبدیلی تے اک کمیٹی کم کر رہی اے۔ مذہب دی جبری تبدیلی دے بل تے پہلے رپورٹ لے کے فیر ایہدے تے غور کیتا جائے۔ وزارت تعلیم نے صاف کہہ دتا اے پورے دیس لئی اک نصاب بنایا جائے گا۔

پہلی کلاس وں چھویں تک نصا ب وچ اجیہا مواد شامل نہیں ہووے گا جہڑا مذہبی منافرت دی وجہ بن سکدا ہووے۔ نصاب وچ مذہبی منافرت پھیلان والا مواد شامل نہیں ہونا چاہیدا۔ نور الحق قادری دا کہنا سی اقلیتی کمیشن دا چیئرمین وزیراعظم دی خواہش تے اقلیتی رکن نوں مقرر کیتا گیا۔

دوجے پاسے چیئرمین قائمہ کمیٹی برائے مذہبی امور سینیٹر عبدالغفور حیدری سربراہی وچ اجلاس ہوا جہدے وچ مسلم لیگ (ن) دے سینیٹر جاوید عباسی دا تجویز کیتے اقلیتاں دے مذہبی حقوق دا بل 2020پیش کیتا گیا۔ قائمہ کمیٹی نے بل کثرات رائے نال رد کر دتا۔

مولانا عبدالغفور حیدری آکھیا ایس بل نوں اقلیتاں دے حقوق تے قائم سینیٹ کمیٹی وچ زیر بحث لیایا جا سکدا اے۔

مذہب دی جبری تبدیلی دی اجازت نہیں دتی جا سکدی۔ مرضی نال مذہب دی تبدیلی تے کوئی قدغن نہیں اے۔

اپنا تبصرہ گھلو