یوٹیلیٹی سٹوراں تے گھیو، دودھ تے کوکنگ آئل سنے کئی شیواں مہنگی
یوٹیلیٹی سٹوراں تے گھیو، دودھ تے کوکنگ آئل سنے کئی شیواں دی قیمتاں وچ وادھا کر دتا گیا اے۔ قیمتاں وچ وادھے دا نوٹیفکیشن جاری کر دتا گیا اے تے ایہناں دا اطلاق فوری ہووے گا۔
قیمتاں وچ وادھے مگروں کوکنگ آئل دی فی لیٹر قیمت وچ 17روپے وادھا کیتا گیا اے۔
برانڈ گھیو دی فی کلو قیمت وچ چار روپے، برانڈ دے دودھ دے اک لیٹر دا پیک وچ 5روپے وادھا کر دتا اے۔
دودھ دے لیٹر دا پیک 147توں ودھا کے 152روپے کر دتا گیا اے تے بالاں لئی سیریلز دی قیمت وچ 20توں لے کے 38روپے تک وادھا کیتا گیا اے۔
برانڈ شیمپو دی قیمت وچ 9روپے توں لے کے 20روپے تک دے وادھے دے بعد 90ملی گرام شیمپو دی بوتل 89توں ودھا کے 98روپے ہو گئی اے۔ کپڑے دھون دے ڈیٹرجنٹ، کافی، ٹی وائٹنر دی قیمتاں وچ وی وادھا کر دتا گیا اے۔
Load/Hide Comments





















