چودھری شجاعت تے پرویز الٰہی نال چیئرمین سینیٹ صادق سنجرانی دی ملاقات
لہور: سابق وزیراعظم چودھری شجاعت حسین، سپیکر پنجاب اسمبلی چودھری پرویز الٰہی تے رکن قومی اسمبلی مونس الٰہی نال چیئرمین سینیٹ صادق سنجرانی نے ملاقات کیتی جہدے دوران ملکی سیاسی صورتحال زیر بحث رہی۔
چودھری برادران دی رہائش گاہ تے لہور وچ چیئرمین سینیٹ صادق سنجرانی دی مسلم لیگ (ق) دی قیادت نال ہون والی ملاقات وچ پارلیمانی امور وی زیر بحث رہے۔
چودھری شجاعت حسین، چودھری پرویز الٰہی تے مونس الٰہی نے سینیٹ وچ قنون سازی دے مراحل احسن انداز نال طے کرن تے چیئرمین سینیٹ دی تعریف کیتی۔
سپیکر پنجاب اسمبلی چودھری پرویز الٰہی دا کہنا سی سینیٹ دے امور نوں بہتر طریقے نال چلان تے ساری سیاسی جماعتوں نوں نال لے کے چلنا جمہوریت دی اعلیٰ مثال اے۔
چیئرمین سینیٹ صادق سنجرانی آکھیا چودھری پرویز الٰہی نوں چاراں صوبائی اسمبلیاں وچ سب توں ودھ قنون سازی مکمل کرن تے بطور اتحادی حکومت دے دو سال مکمل ہون تے مبارکباد پیش کرنا آں۔
اوہناں نے چودھری شجاعت حسین تے چودھری پرویز الٰہی نوں بطور اتحادی اپنا کردار ادا کرن تے سراہیا۔





















