لہور ہائیکورٹ نے موٹروے تے پولی تھین بیگز دے استعمال تے پابندی لا دتی

لہور: لہور ہائیکورٹ نے موٹروے تے پولی تھین بیگز دے استعمال تے پابندی لاندیاں اگلے ہفتے عملدرآمد رپورٹ طلب کر لئی۔

لہور ہائی کورٹ وچ پولی تھین بیگز دے موٹروے تے استعمال دے خلاف ابوذر سلمان دی عرضی تے جسٹس شاہد کریم نے سماعت کیتی۔

عدالت نے حکم جاری کیتا کہ پولی تھین بیگز موٹروے تے نظر نہیں آنے چاہیدے، موٹروے دے اردگرد سارے ریسٹوریٹ تے ٹک شاپس تے پولی تھین بیگز دا استعمال رکوایا جائے۔

عدالت عالیہ نے پولی تھین بیگ تے پابندی دی عملدرآمد رپورٹ اگلے ہفتے جمع کروان دی ہدایتاں وی جاری کیتیاں۔

اپنا تبصرہ گھلو