پنجاب وچ شوگر فیکٹریاں لئی نوا ں آرڈیننس جاری

لہور( بھلیکھا ٹی وی )گنے دے کاشتکاراں دے واجبات دی ادائیگی وچ تاخیر، وزن تے ادائیگی وچ غیر قنونی کٹوتی تے 3سال قید تے 50لکھ جرمانہ دی سزا ہووے گی۔ سرکار نے شوگر فیکٹریاں (کنٹرول) ترمیمی آرڈیننس 2020جاری کر دتا۔ آرڈیننس دے راہیں پنجاب شوگر فیکٹریاں (کنٹرول) ایکٹ 1950وچ بنیادی تبدیلیاں کیتی گئیاں نیں۔ شوگر مل گنے دی وصولی دی باضابطہ رسید جاری کرن دی پابند ہووے گی۔ گنے دے واجبات کاشتکار دے اکاؤنٹ وچ گھلے جان گے۔ کنڈہ جات تے شوگر مل دے ایجنٹ مل دی باضابطہ رسید جاری کرن دے پابند ہون گے۔ شوگر ملز ولوں کساناں نوں کچی رسید جاری کرنا جرم ہووے گا۔ آرڈیننس کین کمشنر نوں کاشتکاراں دے واجبات کا تعین تے وصولی دا اختیار دتا گیا۔ واجبات دی وصولی بذریعہ لینڈ ریونیو ایکٹ کیتی جا سکے گی۔ کاشتکاراں دے واجبات نہ کرن تے مل مالک گرفتار تے مل دی قرقی کیتی جا سکے گی۔ ڈپٹی کمشنرز بطور ایڈیشنل کین کمشنر گرفتاری تے قرقی دے احکامات تے عملدرآمد دی پابند ہون گے۔ گنے دی کرشنگ تاخیر نال شروع کرن تے تن سال قید تے یومیہ 50لکھ جرمانہ ہووے گا، شوگر فیکٹریز ایکٹ دے تحت جرم ناقابل ضمانت تے قابل دست اندازی پلس بنا دتا گیا، مقدمیاں دی سماعت مجسٹریٹ درجہ اول توں سیکشن 30دے مجسٹریٹ نوں شوگر فیکٹریز ایکٹ وچ ترامیم نال گنے دے کاشتکاراں دے حقوق دا تحفظ ہووے گا۔