عثمان بزدار نے پنجاب وچ نرسنگ کیڈر دی بہتری لئی اقدامات دی اصولی منظوری دے دتی

لہور(بھلیکھا ٹی وی ) وزیراعلیٰ عثمان بزدار نے پنجاب وچ نرسنگ کیڈر دی بہتری لئی اقدامات دی اصولی منظوری دے دتی۔ نرساں دے سروس سٹرکچر نوں اپ گریڈ، ترقیاں دے امور نوں سٹریم لائن کرن دا فیصلہ کر لیا گیا۔ نرسنگ دے شعبہ وچ ایم فل تے پی ایچ ڈی لئی سکالر شپ دین دی وی اصولی منظوری دے دتی گئی۔ وزیراعلیٰ پنجاب دا اجلاس نال خطاب وچ کہنا سی نرسنگ سکولاں نوں نرسنگ کالجاں وچ اپ گریڈ کیتا جائے گا، نرسنگ کالجاں دے نال ہاسٹل وی بنائے جان گے، نرساں نوں سکالر شپ تے بیرون ملک بھجوایا جائے گا۔ وزیراعلیٰ پنجاب آکھیا نرساں لئی وڈے پیکیج دا چھیتی اعلان کراں گے، نرسنگ دے شعبہ دی بہتری لئی سارے ضروری اقدامات کراں گے، نرساں لئی آسانیاں پیدا کرن لئی ہر ممکن اقدام کراں گے، پنجاب سرکار نے شعبہ صحت وچ انقلابی اصلاحات کیتیاں نیں، 50لکھ توں ودھ صحت انصاف کارڈ مستحق بندیاں وچ تقسیم کر چکے آں، صحت انصاف کارڈ دا دائرہ کار مرحلہ وار ہور ودھاواں گے، صحت انصاف کارڈ توں مستفید ہون والے بندیاں نوں آگاہی دین لئی بھرپور مہم چلائی جائے۔