اجے ملاقاتاں دا ذکر کیتا، ٹیلیفون ڈیٹا لیک کیتا تے قیامت آ جائے گی: شیخ رشید

اسلام آباد(بھلیکھا ٹی وی ) شیخ رشید آکھیا اے آرمی چیف تے ڈی جی آئی ایس آئی نال ملنا اعزاز دی گل اے۔ اجے ملاقاتاں دا ذکر کیتا، ٹیلیفون ڈیٹا لیک کیتا تے دیس وچ قیامت آ جائے گی۔ وزیر ریلوے د اکہنا سی پیپلزپارٹی تے مسلم لیگ (ن) دے بھیڑے دن نیں۔ دیس وچ کرپشن نال جہڑا کوڑا کھلریا ہویا اے، وزیراعظم عمران خان ایہنوں ختم کرن گے۔ لہور وچ میڈیا نمائندیاں نال گل کردیاں شیخ رشید دا کہنا سی نوازشریف نے جہڑی تقریر کیتی اوہ جندال دی سی۔ اپوزیشن نوں سخت تنقید دا نشانہ بناندیاں اوہناں آکھیا نہ دھرنا ہووے گا نہ استعفے ہون گے۔ ایہ لوک کسے دے خلاف تحریک اعتماد نہیں لیان گے۔ اپوزیشن صرف سینیٹ انتخابات توں پہلاں دھینگا مشتی چاہندی اے۔ اوہناں دا کہنا سی آرمی چیف تے ڈی جی آئی ایس آئی نال ملاقات کرنا اعزاز دی گل اے۔ جے میں ٹیلی فون ڈیٹا لیک کر دتا تے قیامت آ جائے گی۔ اوہناں نے تسلیم کردیاں آکھیا ہاں میں پاک فوج دا ترجمان آں، مینوں ایس گل دا فخر اے۔ میں جواناں دے نال موڈھے نال موڈھا ملا کے اپنی جان دین نوں تیار آں۔