عمران خان اسمبلی توڑ دین گے پر این آر او نہیں دین گے: شیخ رشید

اسلام آباد: وزیر ریلوے شیخ رشید دا کہنا اے عمران خان اسمبلی توڑ دین گے پر این آر او نہیں دین گے۔ کیرج فیکٹری اسلام آباد وچ تقریب نال خطاب دے دوران شیخ رشید آکھیا (ن) لیگ توں سوالات کیتے جہدے جواب اجے تک نہیں آئے، مریم نواز نے 10مہینے ٹوئٹر ایس لئی استعمال نہیں کیتا شاید اوہناں نوں باہر جان دتا جائے، اپوزیشن دی خواہش سی کہ ایف اے ٹی ایف بل توں پہلاں نیب قنون ختم ہو جائے، ایہناں لوکاںنے دیس نوں اینا لٹیا عمران خان نوں مہنگائی کرنی پئی، عمران خان اسمبلی توڑ دین گے پر ایہناں نوں این آر او نہیں دیوے گا۔

وفاقی وزیر دا کہنا اے دیس وچ سیاسی زوروں اُتے اے اپوزیشن توں سرکار نوں کوئی خطرہ نہیں، عمران خان ایماندار بندے نیں اوہ اپنے ورھے پورے کرن گے، اپوزیشن دے کول عوام دی طاقت نہیں، لہور وچ جلسی دے بعد ایہناں دیاں اکھاں کھل جانیاں چاہیدیاں نیں، 11اکتوبر دا جلسہ 18تریخ نوں کر دتا کیوں جے ایہناں دا ساتھ کوئی نہیں دے رہیا، پی ڈی ایم اندروں متحد نہیں، سورج مشرق دے بجائے مغرب توں نکل آئے پر پیپلزپارٹی کدی استعفے نہیں دیوے گی۔