چیئرمین نیب نے فضل الرحمان دے خلاف انکوائری دی منظوری دے دتی

چیئرمین نیب جسٹس (ر) جاوید اقبال نے پی ڈی ایم دے سربراہ فضل الرحمان دے خلاف آمدن توں ودھ اثاثیاں دی انکوائری دی منظوری دے دتی۔ چیئرمین نیب دی زیر صدارت نیب ایگزیکٹو بورڈ ا اجلاس ہویا جہدے وچ نیب خیبر پختونخوا ولوں کجھ کیسز پیش کیتے گئے۔ چیئرمین نیب نے مولانا فضل الرحمان دے خلاف آمدن توں ودھ اثاثے بنان بارے کیس دی انکوائری دی منظوری دتی۔ ایہدے علاوہ کیپٹن (ر) صفدر، امیر مقام تے شیر اعظم وزیر دے خلاف وی انکوائریاں دی منظوری دتی گئی۔ ایہدے علاوہ نیب اجلاس وچ مالم جبہ کیس دے حوالے نال پشاور ہائی کورٹ دے فیصلے دی روشنی وچ کم کرن دے عزم دا اظہار کیتا گیا اے۔