پی ڈی ایم دے پہلے جلسے دی نویں تریخ تے وی پیپلزپارٹی دے تحفظات

اسلام آباد: اپوزیشن اتحاد پاکستان ڈیمو کریٹک موومنٹ دے پہلے جلسے دی نویں تریخ تے پیپلزپارٹی نے تحفظات دا اظہار کر دتا۔ وسیلیاں دے مطابق پیپلزپارٹی ہر ورھے 18اکتوبر نوں یوم شہدائے کارساز کراچی مناندی اے تے ایس دیہاڑ پی پی نے کراچی وچ جلسہ کرن دا فیصلہ کیتا اے جہدے پاروں پی ڈی ایم دے کوئٹہ دے جلسے دی تریخ تے تحفظات دا اظہار کیتا گیا اے۔ پاکستان ڈیمو کریٹک موومنٹ دی سٹیرنگ کمیٹی نے جلسہ 11اکتوبر نوں کرن دا اعلان کیتا سی پر جے یو آئی تے پی کے میپ نے اپنے طور تے جلسہ 18اکتوبر تک ملتوی کر دتا۔ جے یو آئی (ف) دے ذرائع دا کہنا اے جلسے دی تریخ وچ تبدیلی بدنیتی نہیں سگوں سب دی سہولت لئی تریخ تبدیل کیتی اے، اپوزیشن اتحاد قومی مفاد وچ اے، ایہنوں ہر قیمت تے بچایا تے اگے ودھایا جائے گا جد کہ آس اے دوجے مسئلیاں دی طرح ای معاملہ وی سٹیرنگ کمیٹی وچ حل کر لیا جائے گا۔