گورنر پنجاب دا (ن) لیگ قائدین دے خلاف مقدمے دے مدعی توں لاتعلقی دا اظہار
لہور: گورنر ہاؤس پنجاب نے (ن) لیگ قائدین دے خلاف مقدمہ دے مدعی توں لاتعلقی دا اظہار کیتا اے۔ ترجمان گورنر ہاؤس پنجاب دے ترجمان ولوں جاری بیان وچ آکھیا گیا اے گورنر پنجاب چودھری سرور سیاست وچ وضعداری دے قائل نیں۔ اوہناں ولوں مخالفاں دے خلاف مقدمے یا اوہدی حوصلہ افزائی دا سوال ای پیدا نہیں ہوندا۔ترجمان گورنر ہاؤس دا کہنا سی پنجاب بھر توں ہزاراں بندے گورنر پنجاب نال ملاقات کردے نیں۔ ملاقات لئی آن والیاں دا تصویراں بنانا معمول دی گل اے، بغاوت دے مقدمہ دے مدعی دا گورنر پنجاب نال کسے قسم دا کوئی تعلق نہیں۔ واضح رہوے پچھلے دیہاڑ نوازشریف سنے مسلم لیگ (ن) دی اعلیٰ قیادت دے خلاف اشتعال انگیزی دا مقدمہ درج کیتا گیا سی۔
